Vladimir Putin præsidentitut qinigaaqqippoq

Taamak Russia Today ilisimatitsivoq.

– Vladimir Putin apeqquserneqarsinnaanngitsumik qinerneqarpoq. Taamak sumiiffinni qinersinermut nakkutilliisut ilisimatitsigallarnerat nipeqarpoq, Russia Today (rt.com) ilisimatitsivoq.

Ilanngullugu ilisimatitsissutigaat qinersisut qinersisarfinniit anillanneranni misissuisimaneq takutitsisoq, Putin qinersisinik 77 procentinik taaguunneqarsimassasoq.

Ella Pamfilova, Russit Nunaanni qinersinermut nakkutilliisoqarfimmi siuttoq oqarpoq, qinersinerup nalaani annerusumik pikitsitsisoqarsimanngitsoq, aamma “naammagittaalliornerit annikitsuinnaat” tiguneqarsimasut.

Vladimir Putin siullermik 2000-mi Kremlinimut qinerneqarpoq, aamma ukiut sisamat kingorna qinerneqaqqippoq. 2008-mi Russit Nunaanni marloriarluni præsidentiusinnaatitaaneq aporfigalugu ukioq taanna qineqqusaanngilaq. Kingorna tamanna allanngortinneqarpoq aamma præsidentitut issianeq ukiut sisamaniit arfinilinnut sivitsorneqarpoq. Putini 2012-mi præsidentitut qinerneqaqqippoq, maannalu 2024-ip tungaanut præsidentitut ingerlaqqissinnaanngorpoq. Taamanikkussamut Vladimir Putin 72-nik ukioqalersimassaaq.

Russit Nunaanni illuatungiliuttut qinersineq aaqqissuunneqareersimasutut isigalugu oqariartuutigereerpaat.

 

Aaqqissuisut

Nunarput pillugu sammisaqarfik

%d bloggers like this: