Utoqqalinissannut ileqqaakkakka tiguneqarput

Ippassaq utoqqalinissamut ileqqaagaqarsimasoq pillugu Nunarput allaaserisaqarpoq. Tamatumap kingorna assingusumik misigisaqarsimasut saaffiginnittarput. Saaffiginnittut ilaat oqarpoq, nammineersinnaassusiiagaasutut misigisimalluni.

– Uangattaaq ileqqaakkakka 42 procentimik ilanngariarlugit PFA Danmarkimut nuunneqarsimapput, atuartartoq oqarpoq.

Taanna oqarpoq misigisimagini, qanoq bankeqarneq apeqqutaalluni Qimatut Pensionimut nuussisoqarsinnaassimanngitsoq.

– Bankimi allami bankeqartuusugut Qimatut Pensionimut nuussinnaanikuunngilagut, taamaammat eqqortuusinnaanngissorinarpoq taamatut akileraarusersueriarluni nuussisimaneq, taanna oqarpoq nangillunilu:

– Nammineersinnaassusiiagaaneq ingasappoq, tassami ileqqaakkama Danmarkimut nuunneqarsimanerat uannulluunniit ilisimatitsissutigineqarsimanngillat.

Aaqqissuisut

Nunarput pillugu sammisaqarfik

%d bloggers like this: