USA, Tuluit Nunaat aamma Frankrig saassussipput

USA, Tuluit Nunaat aamma Frankrig, Syriap kemimik sakkussiaat eqqoriarlugit saassussipput.

Tamanna Syriap innuttaminut kemimik sakkussiat atorlugit toqoraasimaneragaanerata kingorna, aamma USA-p saassussinissamik sioorasaarereernerata kingorna pivoq.

Aamma atuaruk: Trumpip Russit asissorpai oqarluni Syriamut qisuariartoqalersoq

– USA-mi sakkutuut peqquakka eqqugassat aalajangersimasut saassuteqqullugit, taakkulu tassaapput kemimik sakkussiaqarfittut ilisimaneqartut, Syriap kisermaassisuata Bashar al-Assadip atorsinnaassai, USA-p præsidentia, Donald Trump, The White Housemiit oqarpoq.

Saassussineq ippassaq unnukkut pivoq, aamma Kangia Qiterleq unnuaroreersoq.