Umiarsuit nutaat, Upernaviup Uummannallu pigisaani atorneqartussat, ima isikkoqassapput. Assiliortoq: RAL

Umiarsuit nutaat

Umiarsuit Upernaviup Uummannallu eqqaani atorneqartussat sanatinneqarnissaat Royal Arctic Linep akuerivai. Umiarsuit Spaniami amutsivimmi Zamakonap Bilbaomi sanaartorneqassapput. Isumaqatigiissutit marsimili atsiorneqarpoq.

Umiarsuit aningaasalersorneqarnissaat  aaqqinneqarsimavoq, taamaattumillu umiarsuit sananeqarnissaat maanna aallartissinnaanngorpoq.

– Umiarsuit 2020-imi kvartalip aappaani sisamaanilu tunniunneqassapput. Taakku 270 millionit koruunit missaannik naleqassapput, RAL allappoq.

Nunaqarfiliartaatitut atorneqartussatut naatsorsuussaapput, pallenik qerisunik imalinnik containerinillu imaqarsinnaassut. Pajuttaammut 1979-imi atulersumut sanilliullugu umiarsuaaqqat pallenik imaqarsinnaanerupput, aamma pallenik passussisinnaaneq pitsanngorsarneqarpoq kranillu aamma naleqqussarneqarsimapput.

– Assartuutsit kalaallit erfalasuanik erfalasoqassapput, nunaqarfinnilu pilersuinissaq pillugu ingerlanneqassallutik, RAL allappoq.

Ilanngullugu RAL ilisimatitsivoq, kujataani tunumilu nunaqarfiliartaatit minnerusut sananeqarnissaannut isumaqatiginninniarneq suli ingerlanneqartoq.

– Umiarsuit taakkua tunniunneqariarpata nunaqarfiliartaatitta nutarterneqarneri naammassissapput, RAL ilisimatitsivoq.

Aaqqissuisut

Nunarput pillugu sammisaqarfik