Tyskit eqqartuussiviata Puigdemonti tigummigallagassanngortippaa

Cataloniap præsidenterisimasaa, maanna “pikitsitsisimasutut” Spaniami eqqartuunneqaratarsinnaanini pinngitsoortikkumallugu qimaasunngortoq, Carles Puigdemont, Tyskit Nunaanni eqqartuussivitsigut tigummigallagassanngortinneqarpoq.

Suli ilisimaneqanngilaq pikitsitsisimasutut eqqartuunneqartussanngorlugu Spaniamut tunniunneqassanersoq.

– Puigdemonti parnaarussaagallassaaq. Spaniamut tunniunneqarnissaanut apeqqut akineqarsimatinnagu tigummigallarneqassaaq, Tyskit Nunaanni illoqarfimmi Neumünsterimi eqqartuussivik avammut ilisimatitsivoq.

Puigdemontip Tyskit Nunaanni parnaarussaanera Cataloniami akerliussutsimik takutitsisorpassuarnik pilersitsivoq, pingaartumik illoqarfissuarmi Barcelonami.

Aaqqissuisut

Nunarput pillugu sammisaqarfik

%d bloggers like this: