Trumpip Tillersoni soraarsippaa

USA-mi nunanut allanut ministeri, Rex Tillerson, ullumi USA-p præsidentianit, Donald Trumpimit, soraarsinneqarpoq, Trumpilu Twitter aqqutigalugu allappoq, maanna CIA-mi pisortaq, Mike Pompeo, nunanut allanut ministerinngussasoq.

– “Mike Pompeo, CIA-mi pisortaq, nunanut allanut ministerinngussaaq. Taanna assissaqarani sulilluassaaq! Rex Tillerson sullissisimaneranut qutsavigaarput! Gina Haspel CIA-mi pisortanngussaaq, aamma arnanit siullersaalluni toqqarneqassaaq. Tamassi pilluaritsi!”, Trumpi Tweeterluni allappoq.

Trumpip tallimanngormat Tillersoni tunuaqqullugu qinnuvigaa, taannalu Afrikami angalatilluni erngertumik Washingtonimut utertariaqarsimavoq.

Trumpip Tillersonillu akornanni akerleriissuteqarneq qaammatini arlalinni ingerlasimavoq, naallu tunngaviusumik isumaqatigiinngissuteqarneq Tillersonip atorfilittatut nipaarluunnerussutigigaluaraa, Trumpi arlaleriarluni Twitter aqqutigalugu naammaginninnginnermik oqamissaartarsimavoq.

 

Aaqqissuisut

Nunarput pillugu sammisaqarfik

%d bloggers like this: