Trumpip Russit asissorpai oqarluni Syriamut qisuariartoqalersoq

Ullumi USA-p præsidentia, Donald Trump, Russinut mianersoqqussuteqarpoq oqarluni, taakku missilimik Syriamut aallartitsisoqarnissaanik “piareersalissasut”.

Trumpip qisuariarnera pivoq, Syriami naalakkersuisut innuttaminut toqunartunik saassussisimaneragaasullu. Ippassaq Naalagaaffiit Peqatigiiffianni tamassuma qanoq qisuariarfigineqarnissaa isumaqatigiissutigineqarsinnaasimanngilaq, pingaartumik Russit iliuuserineqartussat isumaqatiginngimmagit.

“Russit suaaruteqarput missilit suulluunniit Syriamut igeriunneqartut nakkartinniarlugit. Russit Nunaat piareerit, tassami takkutilerput”, ilaatigut Trumpi Twitter aqqutigalugu allappoq. – “Gassi atorlugu uumasumut toqoraasumut suleqateqartussaanngikkaluarpusi […].”

Missilit atorlugit saassussinissamik Trumpip sioorasaaruteqarnera, sumiiffimmi nalornissuteqarnerup annikillisinnissaanut iluaqutaanavianngitsoq CNN allappoq. – Trumpi gassi atorlugu saassussisoqanngikkallarmat oqarpoq, USA-p Syriami sakkutuui angerlartinneqassasut.

Kingusinnerusukkut Trumpi eqqissisimanerulersimavoq. Kingorna Twitter aqqutigalugu allappoq, “…(suleqatigiinnerup) ajoqusisernissaa pisariaqanngilaq […] naalagaaffiit tamarmik suleqatigiinnissaat pisariaqarpoq. Sakkussanik peqarneruniunneq unilli?”

Aaqqissuisut

Nunarput pillugu sammisaqarfik

%d bloggers like this: