Tassaanngilagut “apeqqutit”

Ulluni makkunani Naalagaaffiit Peqatigiit nunat inoqqaavi pillugit ataatsimeersuartitsivoq. Inuit 1.000-init amerlanerusut peqataapput, ataatsimeersuarnerlu New Yorkimi ingerlanneqartoq apriilip 27-ata tungaanut ingerlassaaq.

Ukioq manna sammineqarpoq “nunat inoqqaavisa nunanut pisuussutinullu ataatsimut pisinnaatitaaffii”, ippassarlu ammaanersiortoqarmat Boliviap præsidentia, Evo Morales, maluginiarneqarpoq.

Taanna oqalugiarami piumasaqarpoq, nunat inoqqaavi pillugit Naalagaaffiit Peqatigiit oqaasinnaavat, “taakkununnga apeqqutit” (issues, aaqq.) taarserneqassasoq, siunissamilu oqaatsit “inuiaat” (peoples, aaqq.) aamma “pisinnaatitaaffiit” (rights, aaqq.) atorneqalissasut.

– Nunat inoqqaavi tassaanngillat “apeqqutit”, Evo Morales oqalugiaammini oqarpoq.

– Ukiuni 500-ni Amerikami indianerit ataqqinassusertik aamma kinaassusertik pillugit akiuussimapput. Tamatta Nunarsuarmit pisuuvugut, aamma taamaakkami tamatta qatanngutigiippugut, Evo Morales oqarpoq.

 

Aaqqissuisut

Nunarput pillugu sammisaqarfik

%d bloggers like this: