Tammajuitsussarsiniarluni piniartitsinissat akuerineqarput

Qeqqata Kommuniani tammajuitsussarsiniarluni piniartitsisarnernut akuersissutsinik tunniussisoqarpoq. Naalakkersuisut qinnuteqaatit suliarereerlugit aalajangerput, akuersissutit qulit tunniunneqassasut.

Qeqqata Kommuniata kommunimut pilersaarummut ilassummi nunaminertat akuersissuteqarfiusinnaasut aqqaneq-marluk Kangerlussuup eqqaaniittut immikkoortissimavai.

Tamanut ammasumik neqeroortitsisoqareerneratigut ataatsimiititaliaq qinnuteqaatinik naliliisussaq pilersinneqarsimavoq, ukunannga ilaasortaqarsimavoq: Qeqqata Kommunia, Piniarnermut Naalakkersuisoqarfik aamma Inuussutissarsiornermut Naalakkersuisoqarfik.

Nalilersuinermi tunngavigineqarput ingerlatsinissanut pilersaarutit, suliassamut ilisimasat, aningaasalersuinissamut pilersaarutit aammalu nunatsinnit aallaaveqarneq.

Nalilersuisut isumaqatigiillutik Naalakkersuisunut inassutigaat nunaminertat akuersissuteqarfiusinnaasut qulit – aqqaneq marluusunit – akuersissuteqarfigineqassasut.

Qinnuteqartut nalunaarfigineqarsimasut nalunaarutigineqarput.

Kikkuuneri aamma sooq marluk akuerineqarsinnaasimannginnersut paasiniarparput.

Aaqqissuisut

Nunarput pillugu sammisaqarfik