Susan Aglukarkip CD-liaa avataarsuanut uterlugulu

Susan Aglukark illoqarfimmi Ottawami isiginnaartitsisartunik katersortitsinermi immikkut sammineqarpoq.

Katersortitsineq Canadami dronningip aallartitaanit, Julie Payettemit ingerlanneqarpoq. Tassani isiginnaartitsisartut, nipilersortartut allallu nersorniarneqartarput.

Julie Payette oqalugiarami Susan Aglukark saappaa. Julie Payette avataarsualiartartuusimavoq.

– Inuttut peqatigiinnitsinni takutitsisartut qitiullutik inissisimapput. Tamakkuninnga nassarlutik Voyager 1 aamma 2 maanna seqineqarfipput qaangerlugu angalasimalerput, immaqalu ullut arlaanni silarsuarmi kikkuugaluarnersunit nassaarineqarumaarput, Julie Payette ilaatigut oqarpoq.

Tamatuma kingorna Susan Aglukarkip CD-liaa, Blood Red Earth, avataarsuanut nassarsimasani sinilerneqarsimasoq tunniuppaa.

Ilaatigut taamak Nunatsiaq News allappoq.

Aaqqissuisut

Nunarput pillugu sammisaqarfik