Suliffeqarfiit naatsorsuutaat angusaqarfiulluartut

2016-mi suliffeqarfiit naatsorsuutaasa takutippaat, kaaviiaartitat 2,22 milliardinik qaffariarsimasut. Kaaviiaartitat tamakkiisut 21,5 milliardit koruuniusimapput, suliffeqarfinnilu sulisut tamakkerlutik 10.572-nik amerlassuseqarsimapput.

Suliffeqarfiit pineqartut tassaapput pisortat pigisaat namminersortullu.

Naleqarnerulersitsineq tamakkiisumik 7,9 milliardinik qaffariarsimavoq, qaffariaat 1 milliardiulluni. Taamak Naatsorsueqqissaartarfik ilisimatitsivoq.

Aalisarnerup iluani sulisumut ataatsimut naleqarnerulersitsineq qaffariaateqarnerpaasimavoq. Sulisumut ataatsimut sulisoqarnermut aningaasartuutit aalisarnermi 897.000 koruuniusimapput, aatsitassarsiornermi 642.000 koruunit aamma akunnittarfinni neriniartarfinnilu 320.000 koruunit. Suliffeqarfimmi naleqarnerulersitsineq tassaavoq, ingerlatsinermi isertitat -nioqqutissanut aamma kiffartuussinernut aningaasartuutit ilanngaatigereerlugit.

Kisitsisit sukumiinerusut uani alakkersinnaavatit.