Suka K.: Qujanaq

Namminiilivinnermut, Nunanut Allanut Nunalerinermullu Naalakkersuisuusimasoq, Suka K. Frederiksen, maanna qineqqusaaqqissanani ilisimatitsisimasoq, ippassaq Facebooki aqqutigalugu videokkut qujassuteqarpoq.

– Oqariartuutigisartakkasi annertuumik pingaaruteqarput, aamma taakkuupput ingerlatitseqqinnissamut qularnaarisartut. Suliat assigiinngitsut eqqarsaatigalugit, aatsaat qisuariarnerit tusarnaarlugit paasisinnaanngortarparput ajunngitsumik ajornerusumilluunniit suliaqarsimanerluta, Suka K. Frederiksen oqarpoq.

– Nunarput killormut ingerlanngilaq, ajorsiartuinnartoqanngilaq. Soorunami tusagassiuutitigut ajortorpiaannaviit tusartarutsigik, aamma tassuunaatigut sunnerneqartarpugut. Tusagassiornerup iluani pisut nuannersut innuttaasunullu kaammattuisut aamma ilanngunneqartarnissaat kissaatiginarpoq, aatsaat taamaaliornikkut nunarput nuannaartunarluni imminullu nersualaarsinnaalluni ingerlatsiviusinnaammat, Suka oqarpoq.

– Anguniagassat oqitsuunngillat, aamma oqartoqarneqanngilaq oqitsuinnarnik suliassaqartoq. Allatuulli nunatuulli akisussaaffinnik malitsilinnik suliassaqarpugut. Killormut aallassanngilagut; ajortisaaraluni oqallinneq kiperiarlugu alloriaqqittariaqarpugut, oqarluta ingerlaqqinnissatsinnut kivitseqatigiinneq aqqutaasariaqartoq, Suka K. Frederiksen ilaatigut oqarpoq.

 

Aaqqissuisut

Nunarput pillugu sammisaqarfik

%d bloggers like this: