SpaceX-ip tamanut interneti atulersinniarpaa

SpaceX-ip tunngaviliisuata Elon Muskip pilersaarutigaa, satellitit 4.425-it avataarsuanut inissinneqassasut, taamalu nunarsuaq tamakkerlugu sukkasuumik interneti neqeroorutigineqarsinnaanngussasoq.

Pilersaarutigineqarpoq 2019-ip ingerlanerani piviusunngortitsiniarneq aallartinneqassasoq. Aallaqqaammut 800-ut inissinneqassapput, taakkulu USA qulangersimassavaat.

Tamarmi naammassineqarsimalerpat, SpaceX-ip satellitiisa nunarsuaq tamaat qulangersimassavaat, taamalu nunarsuaq tamakkerlugu ataatsikkut sullissinissaq periarfissaalersissallugu.

Naatsorsuutigineqarpoq suliniut minnerpaamik 10 milliardit dollarinik akeqassasoq. 1 milliardit Googlemit aningaasaliissutigineqareerput.

Assingusumik sulinitillit ilagaat OneWeb. Taanna Boeingimit pigineqarpoq. Anguniagaat assinguvoq: Interneti sukkasooq satellitinik toqqammavilik nunarsuarmiunut tamanut neqeroorutigineqassaaq.

SpaceX-i maanna ilaatigut NASA sullillugu avataarsuanut assartuisarpoq.

Capture
SpaceX: Satellitip ataatsip attaveqaasiilluni isorartussusaa. 

Aaqqissuisut

Nunarput pillugu sammisaqarfik

%d bloggers like this: