Siumut uuliallu akia

Ippassaq facebooki aqqutigalugu uuliap akia pillugu Siumut allagaqarmat, atuisut akornanni qungujunnartunngorsimavoq.

Siumut allappoq: “Siumup ilungersuuteqarneratigut ukiuni kingullerni oliap akinga appariartorpoq. Suleqqissaagut ingerlaqatigisigut. SIUMUT”

Assitalersimavaallu:

Siumut_chart

Taamak ‘opdateeriineq’ maanna inunnit arlaqartunit quianartutut ingerlateqqinneqartalerpoq. Nuannisarsimasut ilaat allappoq:

“… qanorliuna aalisakkat akiinut nunaminni sunniisinnaangaluarunik … 🤣🤣”

Alla allappoq:

“Dividiaareriarlungu kanngerlungu kingornalu kateriarlungit ilanngarlungit. ÷×+-”

Uuliap nappartamut akia
Uuliap akia nunarsuarmi akinut malinnaavoq, taamaallaat kingoqqutsilluni nalimmassarneqartarluni. Tamanna nunatta annertuukkaarlugu uuliasisarneranit pissuteqarpoq. Aajuna nunarsuarmi uuliap nappartamut akiata (Crude Oil, uulia sukuluiaganngitsoq) piffissami tassani allanngorartarsimanera (dollarimut).

 

crude_oil