Siumut: Naalagaaffinngorneq tamanut inissaqartitsissaaq
Siumut ullumi Nuummi ‘Nunarput namminiilivissaaq – sapinngilagut’ qulequtaralugu tussagassiortunik katersortitsivoq.
– Naalagaaffinngornissaq innuttaasuninngaaniit apuunneqartussaavoq, aamma piareersimagutta tamanna pissaqqaarpoq, Siumup siulittaasua, Kim Kielsen oqarpoq.
– Nunatsinni parteerpassuanngoratta Inatsisartunut qineqqusaarnissatsinnut qilanaaqaagut, aamma partiit allat suleqatiginissaanut pisarnertitut piareersimavugut, Kim Kielsen ilaatigut oqarpoq.
Ilisimatitsissutigineqarpoq qineqqusaarutissat siumut.gl aqqutigalugu aaneqarsinnaasasut.
