Qikigtani taalliorlutillu erinarsorsuaarsimasut

Nunavummi Qikiqtani Inuit Kattuffiat erinarsornermik unammisitsimmat, inuusuttut pingasut ajugaapput. Unammisitsinermi sammineqarput erinarsorneq aamma taalliorneq.

Unammisitsineq Qikigtani Inuit oqaasiisa februaarimi immikkut sammineqarnerannut atavoq, sumiiffimmilu kikkut tamarmik peqataasinnaasimapput.

– Tulluussimaarutigaara kulturitsinnik oqaatsitsinnillu piginnaaneqartut takutitsilluarsinnaasimammata, Qikigtani Inuit Kattuffianni (QIA) siulittaasoq, P.J. Akeeagok oqarpoq. – Erinarsukkat taalliukkallu Inuktitut oqaatsitsinnik ataatsimoorfeqarnermik takutitsipput.

Becky Han, Arctic Bayimeersoq, 400 dollarinik akissarsisinneqarluni ajugaavoq. Becky Hani 2016-mi Nunavummi naalakkersuisut meeqqanut erinarsornermik unammisitsineranni ajugaassimavortaaq.

Aappaattut akissarsisinneqarpoq Igloolimmeersoq Joshua Haulli, taannalu 2015-mi Alianait Battlemi nipilersoqateqarluni ajugaassimavortaaq. Taassumap erinarsugaa, “Kingummungaaq”, ataataminut asanninnermik takutitsineruvoq.

Pingajuattut akissarsisinneqarpoq Sanikiluameersoq Quentin Sala. Tassumap erinarsorpaa “Life”, imallu taallaqarpoq:

As Inuit we all matter, even if we are going through a hard time
Life can change as long as we live a good life
Bad and good time pass through
Depressing things come to pass right away
Good times also come too and let us not lose sight of it
Let’s try to live a good life because that is the only way
And try to have love
Because love is bigger than sad times
Let’s live a good life as Inuit
We have to keep trying because that’s the only way

Taamak Nunatsiaq News ilaatigut allappoq. Pisoqarfiusimanera Youtube-kkut alakkarsinnaavat: https://www.youtube.com/watch?time_continue=8&v=FhSiGCY1JA4

Aaqqissuisut

Nunarput pillugu sammisaqarfik

%d bloggers like this: