Qilalukkat. Assiliisoq: Pinngortitaleriffik

Qernertat tamakkerneqarput

Aqutsiveqarfik Upernavimmut 2018-mi qilalukkat qernertat 52-it pisassiissutaapput. Taakku maanna tamakkerneqarsimalerput. Tamakkiisumik qernertanik qilalugartassiissutit 52-iupput, tassani ilanngullugit ileqqutoqqat malillugit qaannamik pisassiissutit 20-iullutik, taakkulu aamma tamakkerneqarsimalerput.

Aalisarnermut, Piniarnermut Nunalerinermullu Naalakkersuisoqarfik ilisimatitsivoq, ukioq manna qilalukkat qernertat piniaqqinneqassanngitsut.

Upernaviup aqutsiveqarfiani qaqortanik qilalugartassiissutit 93-inik suli sinneqarput, aamma Avannaata Kommuniani 2017-imi pisarinngitsuukkat nuunneqarnikut 75-iupput, taakkulu suli piniarneqarsinnaapput.

Nalunaarut pillugu attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi Nuka Møller Lund. Email: numl@nanoq.gl oqarasuaat 34 53 45.

Aaqqissuisut

Nunarput pillugu sammisaqarfik