Qeqertalimmi qilalukkat piniaqqusaajunnaarput

Ullumimiit Kommune Qeqertalimmi qilalukkat qernertat piniaqqusaajunnaarput. Taamak Qeqertalik ilisimatitsivoq.

Kommune Qeqertalimmi Inuussutissarsiornermut siunnersorti, Pâviâraq Jakobsen, ilanngullugu ilisimatitsivoq, qilalukkanut qernertanut piniarnissamut akuersissutit 2018-mut atuuttut tamarmik atorunnaarsinneqartut aamma qilalukkat pisassiissutit 72-it maanna nungunneqarsimasut.

– Namminersorlutik Oqartussat nalunaarutaat 2017-meersoq naapertorlugu, kommunalbestyrelsi pisassiissutigineqartunik nakkutilliissaaq, aamma pisassiissutit tamakkerneqarsimappata piniarnerup unitsinneqarneranik kommuni nalunaartussaatitaavoq, Pâviâraq ilisimatitsivoq.

Aaqqissuisut

Nunarput pillugu sammisaqarfik

%d bloggers like this: