Putin: Syriap saassunneqarnera inatsisinik unioqqutitsineruvoq

Syriamut saassussineq USA-mit siulersorneqartoq Naalagaaffiit Peqatigiit Isumannaatsuunermut Ataatsimiititaliaanit (UNSC) piginnaatitsissummik toqqammaveqanngilaq, aamma tamanna pissutigalugu nunat assigiinngitsut malittarisassaanut unioqqutitsineruvoq, Russit Nunaanni præsidenti, Vladimir Putin, Russia Todayimut oqarpoq. 

– USA-p taassumalu iligisaasa Syriami inuinnaat aamma sakkutooqarfiit eqqorpaat, taamalu Naalagaaffiit Peqatigiit toqqammavigisaanut unioqqutitsillutik iliuuseqarput. USA naalagaaffimmut namminersortumut saassussivoq, aamma naalagaaffik taanna (Syria, aaqq.) ingasattajaarnianut sallersaalluni akiuiniartuuvoq, Vladimir Putin oqarpoq.

Aamma atuaruk: USA, Tuluit Nunaat aamma Frankrig saassussipput

Taanna nalunaarummi allapportaaq, “naalagaaffiit akornanni pissutsinut pisoq aserorterissasoq.”

Syriap NP-nut aallartitaa oqarpoq, USA-p iligisaasalu saassussinerat “pinngitsunik toqoraanianut ingasattajaarnianullu oqariartortoq, siunissami sakkut kemimik akullit atortaraluarunikkik ajunngitsoq.”

– Saassussisut taakku pingasut ingasattajaarnianut takutitsipput, pinerluuteqarnertik ingerlatiinnarsinnaagaat – aamma nunani allani, aallartitaq Bashar al-Jaafari oqarpoq, taamalu nunat pingasut pingaarnertut illoqarfii tikkuarlugit: Washington, London aamma Paris.

 

Aaqqissuisut

Nunarput pillugu sammisaqarfik

%d bloggers like this: