Puigdemonti tigusaasoq

Catalaniap præsidenterisimasaa Danmarkip killeqarfiani tyskit politiivisa tigusaraat. Tyskit politiivi taamak uppernarsaapput. Tigusarinninneq pivoq, Puigdemonti Belgialiassalluni Danmarkimiit anisorlu.

Innuttaasunik qinersisitsereernerup kingorna siorna oktobarimi Catalonia namminersulernermik suaaruteqarpoq, iluatsinngitsumilli. Suaaruteqarnerup kingorna, Spaniap naalakkersuisuinit tigusarineqarnissi pinngitsoorniarlugu, Puigdemonti Belgiami najugaqarsimavoq.

Puigdemontip eqqartuussissuserisua oqarpoq, Spaniami pikitsitsiniarsimasutut unnerluunneqaruni ukiuni 25-ni parnaarussaaratarsinnaasoq.

Spaniap nunarsuaq tamakkerlugu parnaarusseqqussummik piumasaqarnini tallimanngormat atuuttussanngorteqqippaa, tamannalu pivoq Puigdemonti Finnit Nunaanni tikeraartillugu.

Parnaarusseqqusissut inunnut allanut sisamanuttaaq atuuppoq.

Aaqqissuisut

Nunarput pillugu sammisaqarfik

%d bloggers like this: