Carles Puigdemont. Assiliisoq: Catalan News

Puigdemont malersugaajunnaarpoq

Spaniap eqqartuussisuuneqarfiata Cataloniami præsidentiusimasumut, Carles Puigdemontimut, Spaniap naalakkersuisuisa tigusarinninnissamik naalakkiutaat atorunnaarsippaa.

Carles Puigdemontip tigusarineqarnissaanut naalakkiutit Europami atuutsinneqartut tamarmik atorunnaarsinneqarput, aamma Cataloniami politikerinut allannut Puigdemontitulli tigusarinninnissamut naalakkiutit ilanngullugit peerneqarput.

Aamma atuaruk: Puigdemonti tigusaasoq

Spaniami eqqartuussisoq, Pablo Llarena taamak aalajangerpoq, Tyskit Nunaanni Slesvig-Holtenimi eqqartuussiviup tunniussinissamik naaggaarnerata kingorna. Carles Puigdemont tassani tigusarineqaqqaarpoq.

Cataloniami politikikkut siulersortaasimasut ‘pikitsitsisoqareernerata’ kingorna Spaniap naalakkersuisuinit malersorneqalerput. Cataloniami innuttaasut amerlanerussuteqartut naalagaaffinngorumallutik taasisitsinikkut kissaateqarput, tamannalu Carles Puigdemont præsidentiutillugu pivoq.

Kingorna Puigdemont siulersortigalugu Catalonia naalagaaffittut suaarutigineqarmat, Spaniap naalakkersuisui malersuillutik aallartipput. Malersuineq tamanna Europami nunarpassuit akueriumanngilaat, tamannalu tassa Spaniami eqqartuussiviup ilanngulluni maanna akueraa.

Aamma atuaruk: Spaniap ministeriunera soraarsitaavoq

Spaniap ministeriunera peqqusissummik tunniussisuusoq,  Mariano Rajoy, juunip aallaqqaataanni tatigineqarunnaarluni peersitaavoq.

Aaqqissuisut

Nunarput pillugu sammisaqarfik