Poorski – qanormaa?

Ukiut tamaasa ulluni assigiinngisitaartuni poorski nalliuttarpoq. Ukioq mannalu poorskip sapaataa salloqittaavimmi, apriilip aallaqqaataani pissaaq.

 

Kristumiut
Sisimiut aviisiat, Sivdleq, poorski pillugu siorna ilaatigut ima allapput:

Upperisaq
Poorski tassaavoq kristumiut pingaartorsiutigisartagaasa annersaatut taaneqartartoq. Sisamanngorneq illernartoq nerliiviliarneq kingullertut oqaatigineqartarpoq. Jesusip ajoqersugaalu aqqaneq marluk neriartoqqusimavai tamarmillu isigaat asassimallugit. Naliginnaasumik kiffat isikkanik asattuisartuusimapput, Jesusilli takutikkusussimavaa kiffamiit akimanerunani. Nerliiviliartarneq tassanngaaniit aallartippoq.

Tallimanngorneq tannaartumi Jesusi inunnit amerlasuunit kamaanneqarpoq. Kamaanneqarpoq oqarmat Guutip ernerigaani, toqukkusunneqalersimallunilu. Jesusi sanningasumut kikianneqarpoq ullorlu naallugu toqunissi tikillugu nivingasimalluni. Ikinngutaasa kingorna iliverpaat. Jesusip toqoreernerata kingorna ullut pingasut qaangiummata ilerraniissimanngilaq, inngilillu oqaatigaa Jesusi toqumit makittoq.

Taamaammat poorski kristumiut pingaartittupilussuuaat. Jesusip anniarnera, toqunera toqumiillu makinnera Guutip inunnik asannineranik takutitsineratut oqaatigineqartarmat.”

Jehovap Nalunaajaasui poorskertarnera pillugu ilaatigut ima allapput:

“Poorski tassaavoq Israelikkut Egyptenimi inussiaanerminnit Kr.in.si. 1513-imi Guutimit aniguisitaasimanerminnik nalliussisarnerat. Guutip Israelikkut peqquai ukiut tamaasa pisimasoq pingaarutilik tamanna qaammatip abibip, kingusinnerusukkut nisanimik taaneqartalersup, ulluisa 14-ianni juutit eqqaaniartassagaat. Oqaaseq “poorski” hebræerit oqaasiannit ‘qaangiinermik’ isumalimmit aallaaveqarpoq.”

Ukiuni tulliuttuni poorski ulluni ukunani nalliuttassaaq:

2019: Apriilip 21-at.
2020: Apriilip 12-at.

Poorskisiorluarisi.

Aaqqissuisut

Nunarput pillugu sammisaqarfik

%d bloggers like this: