Pisinnaatitaaffitit atorumagukkit sapaatip-akunnera periarfissaavoq

Inatsisartunut qinersinissamut innuttaasutut pisinnaatitaaffitit atorumagukkit, taava qineqqusaarnissat kingusinnerpaamik apriili pingajuani nalunaarutigissavat – massakkumiit sapaatip-akunnera ataaseq qaangiuppat.

deadlines_valg2018
Apriilip pingajuat: Qineqqusaarnissap nalunaarutigineqarnissaanut killiliussaq.

Periarfissat pingasut
Qineqqusaarnissamut periarfissat pingasuupput: Partii aalajangersimasoq sinnerlugu, inuttut kisimiillutit imaluunniit allat kattusseqatigalugit.

Partii aalajangersimasoq sinnerlugu qineqqusaarusukkuit, partii isumaqatiginerusat attaveqarfigiinnaruk.

Inuttut kisimiillutit qinigassanngortinniaruit, ilinnut qinigassanngortitsisut ikinnerpaamik 40-t amerlanerpaamillu 50-it atsiornerinik katersisimassuutit.

Allat kattusseqatigalugit qinigassanngortinniaruit ikinnerpaamik kattusseqatigiinnut qinigassanngortittumut ataatsimut (ilinnut) qinigassanngortitsisut 40-t amerlanerpaamillu 50-it atsiornerinik katersisimassuutit. Kinaluunniit kattusseqatigiinni arlalinni ilaasortaaffeqarsinnaanngilaq.

Atsiornernik katersileruit eqqaamajuk: Kinaluunniit qinigassanngortittunut arlalinnut qinigassanngortitsisuusinnaanngilaq.

 

Aaqqissuisut

Nunarput pillugu sammisaqarfik

%d bloggers like this: