Peqqinnissaqarfik innuttaasut pillugit atavoq

Nuummi 17.000-it sinnerlugit inulimmi pitsaanerusumik peqqinnissakkut sullissineq ingerlanneqassaaq. Atassut sinnerlugu qinigassanngortittoq, Uthilie Heilmann isumaqarpoq, aaqqissuussineq tamatsinnut toqqissimanartoq pingaaruteqartoq.

– Sinerissamiit napparsimmavimmut suliaritikkiartortut aamma Nuummi najugaqartut pitsaanerusumik sullinneqartalernissaat anguniarlugu Nuummi immikkut napparsimmaviliortoqaruni tamanut ajunnginnerussaaq. Taamaalilluni tamatta sullinneqarnerput pitsanngornerussaaq, aamma Nuummi najugaqartut napparsimmaveqarnikkut sullinneqarnerat ullumikkut kipiluttunaqisoq utaqqinaqisorlu aaqqinneqarsinnaassaaq, Uthilie Heilmann oqarpoq.

Uthilie Heilmann isumaqarpoq ilaatigut torsuusani uninngatitsisarneq pitsaanngitsoq aamma sulisunut ulapipiluttunut toqqissisimananngitsoq.

– Nuummi najugallit eqqissillutik peqqissarfigisinnaassaminnik namminerisamik ornitassaqanngillat, tassami nuna tamakkerlugu napparsimmavik aamma Nuummiunut napparsimmavik ataatsimoortillugit ingerlanneqarput. Aamma taamaakkami sullissisut toqqisillutik sullissinissaminnut periarfissaat ajorluinnarput, Heilmann oqarpoq.

– Peqqinnissaqarfik innuttaasut pillugit atasoq uagut Atassummiit pingaartitaraarput. Taamaattumik nunat allat assigalugit SANA nuna tamakkerlugu napparsimmavinngortinneqarsinnaavoq, taassumalu ilutigisaanik Nuummi najugalinnut napparsimmavimmik sanaartorluni, aamma soorlu illoqarfinni allani taamak atugassaqartitsisoqartoq.

– Nappaatinut ajuuteqarnernullu atatillugu pingaartuuvoq inuttut nammineersinnaassutsimik piiaaffigineqannginnissaq, akerlianilli ataqqinnittumik ataqqinassusilimmillu pineqarneq misigissallugu. Taamaattumik pingaarutilerujussuuvoq Kalaallit Nunaanni peqqinnissaqarfimmi kikkut tamarmik atuisut sulisullu toqqissisimanartumik atugaqartinneqarnissaat, Uthilie Heilmann oqarpoq.

Aaqqissuisut

Nunarput pillugu sammisaqarfik

%d bloggers like this: