Partiit nutaat qinigassanngortissinnaanngortut

Qinersinermut Ataatsimiititaliaq, Inatsisartunut tullissaanik qinersinissamut Suleqatigiissitsisut aamma Nunatta Qitornai peqataasinnaatitaaneri pillugu, ullumi akuersissuteqarput.

Suliaq qinersineq pillugu inatsit tunngavigalugu suliarineqarsimavoq, imaappoq kingullermik inatsisartunut qinersinermi taasinerit atorsinnaatitaasut tamavimmik 1/31-iisa nalinginit amerlassuseqartut partiip nutaap uppernarsaatitut pissarsiarimassagai.

2014-imi Inatsisartunut qinersisoqarmat taasinerit atorsinnaasut 29.201-iupput – taakkua 1/31-iisa nalingivaa 942-t.

Qinersinermut Ataatsimiitsitaliap Allattoqarfiata oqaatigaa, inatsimmi naammasseqqusaasut naammassineqartut. Taamaalilluni Suleqatigiissitsisut aamma Nunatta Qitornai tamarmik qinersinermut sassarsinnaanngorput.