Partii nutaaq qinersinissamut piareerpoq

Partii nutaaq, Michael Rosingimit aamma Tillie Martinussenimit aallartisarneqartoq, qineqqusaarsinnaanngornissaq siunertaralugu atsiornernik 1.000-nik Nuummi kommunip allaffianut ippassaq tunniussivoq.

Tunniussinerminnut atatillugu aallartisaasut nuannaarput, facebookikkullu tunniussinertik ilisimatitsissutigaat.

– Atsiornerit qulakkeerneqarput! Tulluussimaarluta ikiuisimasut 1.000-it kommunimukaappavut. Qujanaq partiitut sassarnissatsinnut tapersersuisimagassi. Qanorluunniit piffissanngorpat qinerutsigut qininngikkutsigulluunniit, taamak tapersersorterpassuaqarneq inuit oqartussaaneranut tatiginninnermik takutitsineruvoq, nunatsinnilu suleqatigiittoqalernissaanut neriuuteqalersitsivoq, Tillie aamma Michael facebooki aqqutigalugu nuannaaqqalutik allapput.

– Partiitut qinigassanngortissinnaanerput iluatsissanersoq pillugu ilisimatikkumaarpassi. Peqatigiilluta nukittunerussaagut, taakku allapput.

Suleqatigiissitsisut partiiat uani alakkarsinnaavat.

Aaqqissuisut

Nunarput pillugu sammisaqarfik

%d bloggers like this: