Palistinamiut Gazami akerliussutsimik takutitseqqilerput

Palistinamiut tuusintilikkutaat aammaarlutik Gazap Israelillu killeqarfiata ungalusimaffiani akerliussutsimik takutitsillutik ulluni makkunani katersuuttarput.

Ippassaq tallimanngornermi unnuleraa Palistinap peqqinnissaqarfia ilisimatitsivoq inuit ikinnerpaamik arfineq-pingasut toqutaasimasut. Israelip sakkutuui nalunaarput, isertorlutik eqqaassisartut ikinnerpaamik inuit qulit “niuisigut” aallaassimagaat.

Akerliussutsimik takutitsineq pilerpoq, Israelip toqqammavilerneqarneraniit ukiut 70-it nalliussineqartussaammata. Nalliussineq maajip 15-ani naammassissaaq, naatsorsuutigineqarporlu ulloq taanna tikitserlugu Palistinamiut akerliussutsimik takutitsisassasut, taallugu “Nunagisamut uternissamut ingerlaaqatiginnersuaq”.

Ulloq taanna, maajip 15-ani, USA-p aallartitaqarfissaa nutaaq, Jerusalemimi ammarneqartussaavoq.

Sapaatip-akunnerani kingullermi Palistinamiut ikinnerpaamik 22-it Israelimiut sakkutuuinit toqutaasimapput. Ikinnerpaamillu inuit 1.500-ut maannamut ikiligasimasutut nalunaarsorneqarsimapput.

Toqutaasut aqqunartiterneqarsimasullu taamak amerlatiginerat nunarsuaq tamakkerlugu ikiuiniaqatigiit eqqasuuteqarfigigitsik oqaatigaat.

Aaqqissuisut

Nunarput pillugu sammisaqarfik

%d bloggers like this: