Paavip kukkusoqarsimanera nassuerutigaa

Katuullit biskoppiisa Chilimi ataatsimeersuarneranut atatillugu allagaqarluni paavi oqarpoq, kinguaassiuutitigut atornerluisarsimanernut tunngassuteqartut “annertuumik kukkuluttorluni” aaqqiiviginiartarsimagini. Allagaq biskoppit ataatsimeersuarnerannit maanna tamanut saqqummiunneqarpoq.

Allagaq marsimi nalunaarusiortoqarsimaneranut tunngassuteqarpoq, tassani inuit eqqugaasimasut 64-it apersorneqaramik. Nalunaarusiami suaararpassuit tikinneqartarput. Nalunaarusiarlu taanna takisooq, 2.300-nik quppernilik, atuareersimallugu paavi “anniarnermik kanngutsannermillu” misigisaqarsimavoq.

– Ajuallatsissimasakka tamarmik maanna uannut isumakkeerfiginneqqullugit qinnuigaakka, aamma neriuppunga sapaatip-akunnerini tulliuttuni apersorneqarsimasut sinniisaat naapikkukkit taamak iliortoqassasoq, paavi allappoq.

Ukiuni kingullerni qulikkaanni ilagiit katuullit nunarsuaq tamakkerlugu atornerluisoqartarsimaneranik eqqugaasarsimapput, pineqarlutik meeqqat tuusintilikkutaat palasiminnit atornerlunneqarsimallutik unnerluussisut. Ilaatigut USA, Irlandi, Pukkitsormiut nunallu allat eqqugaasarsimapput.

Allagaq tamaat uani atuaruk (tuluttut).

 

 

Aaqqissuisut

Nunarput pillugu sammisaqarfik

%d bloggers like this: