Oqaatsit peqataanissarlu pillugit piumasaqaatit sakkortuut

Marsimi Danmarkimi naalakkersuisut allamiut pillugit pilersaarutiminnik saqqummiussipput. Pineqartut tassaapput inuit Danmarkimut nuussimasut, nunani kitaaneersuunngitsut.

Pilersaarut 12 milliardit koruuninik aningaasartaqarpoq, suliniutigineqartussallu kingusinnerpaamik ukioq 2030-mi naammassineqarnissaat siunniunneqarpoq.

Inuit nunani kitaaneersuunngitsut Danmarkimi nalinginnarmik inuunermut peqataatinnerulerniarlugit pingaarnertut suliniutigineqarpoq, najugaqariaatsimikkut eqiterutissanngitsut, taamaattoqarpalli pinngatsaalillugit najugaqarfigisaat tuniniarneqanngikkunik pineqartut nutsertinneqartassasut, aamma pisariaqarpat najugaqarfigisaat aserorterlugit piiarneqartassasut.

Meeqqat atualinnginneranni danskisut oqallorinnerulersimasarnissaat qulakkeerniarlugu, ataasiliisimanerisa kingorna pinngitsooratik sapaatip-akuneranut akunnerit 30-it paaqqinnittarfinni inissinneqartassapput. Angajoqqaat tamanna malikkusunngippassuk, meeqqanut tapiissut tunniunneqartarunnaarsinnaavoq.

Najugaqarfigisani eqiteruffiusimasuneersut meeraat paaqqinnittarfinni annerpaamik 30 procentitut amerlassuseqarsinnaapput. Paaqqinnittarfiit namminersortut 30 procentinit amerlanerusunik kitaamiuunngitsunik paaqqutallit, akuersissutaat peerneqartassapput.

Meeqqat atuarfianni aallartinnermi ukiup ataatsip ingerlanerani pingasoriarluni danskisut oqalussinnaaneq pillugu misilitsittoqartassaaq. Angusinngitsoqartillugu oqaatsinik ilinniartitsineq sakkortusisaq atorneqartassaaq. Pitsanngoriartoqanngippat aasaanerani atuartinneqarnissaminnut neqeroorfigineqassapput.

Ilinniartitsinerup pisariitsumik ingerlanneqarnissaa anguniarlugu ilinniarnertuunngorniarfinni allamiut annerpaamik 50 procentiussapput.

Kitaamiuunngitsut meeraasa angajoqqaat nunagisaanut perorsaqqitassanngorlugit aallartinneqarsimagaanngata, tamanna ukiuni sisamani parnaarussaassutaassinnaanngussaaq, aamma qanorluunniit sivisutigisumik Danmarkimi najugaqarsimagaluaraanni nunamiit anisitaanermik kinguneqarsinnaavoq.

Naalakkersuisut siunnersuutaat tamarmiusoq uani atuarneqarsinnaavoq.

 

Aaqqissuisut

Nunarput pillugu sammisaqarfik

%d bloggers like this: