Oqaasiliortut oqaasiliortut

Oqaasiliortut ukioq manna februaarip arfineq-aappaanni ataatsimiipput aqqillu arlalialuit akuersissutigisimavaat, ilaalli itigartillugit.

Aqqit pineqartillugit inatsisitigut piumasaqaataavoq, ateq aterineqalersussaq aterinnittussamut ittoorutaassanngitsoq aamma ateq siulequtaassasoq.

Oqaatsinut tunngatillugu, oqaatsit eqqussat Oqaasiliortunit taaguuserneqartassapput, imaluunniit inuit aalajangersimasumik taaguusiisimappata atorneqarnera allanngornagu Oqaasiliortunit atortussanngorlugu akuerineqarsinnaavoq.

Aqqit qinnuteqaatigineqartut taakkulu isummerfiginerat.

Kâjangmat: Angutit ateralugulu kinguliaasoq arnamut atertut qinnutigineqartoq isummerfigineqanngikkallarpoq aalajangiinissamut tunngavissat amigarmata.
Guluk: Arnat aqqatut akuereqqullugu qinnutigineqartoq akuerineqanngikkallarpoq naqinneq g aallaqqaatigissallugu allattaatsimut naapertuutinnngimmat.
Kassoq: Nukappiaqqat aqqatut akuerineqarpoq.
Tarralik: Nukappiaqqat aqqatut akuerineqarpoq.
Ikilana: Niviarsiaqqat aqqatut akuerineqarpoq.
Kuunu: Nukappiaqqat aqqatut akuerineqarpoq.

Oqaasiliortut siuliani 2017-mi novembarip 28-ani ataatsimiikkamik aqqit oqaatsillu makku isummerfigisimavaat.

Aqqit:

Nûnuko: Akuerineqarpoq.
Nayaaya: Akuerineqanngilaq, j atorneqassammat.
Aqqalii: Akuerineqarpoq.
Vaala: Akuerineqarpoq.

Oqaatsit:

Rigsombudsmandeqarfimmit saaffiginnissut.
Tilhold: Qanilleqqusinnginneq akuerineqarpoq, erseqqissaassutigalugu inatsisini iluarsisassaqarmat; inatsisini allaqqasoq “qanilleqqusaannginneq”
taarserneqassaaq “qanilleqqusinnginneq”-mik.

Nutserisoqarfimmit ingerlatseqatigiiffiit taaguutaat.
Livsforsikring: Imminut sillimmasersimaneq.
Afkast: Pissarsiat.
Segregation: Immikkoortiterineq.

Radioqarnermik Aqutsisoqarfimmit saaffiginnissutit.
Frekvens: Frekvens.
Radiocertifikat: Radiumik atuinissamut allagartaq.
Kaldesignal: Akuerisamik radioqarnermut ilisarnaat.
Radiotilladelse: Akuerisamik radioqarnermut allagartaq.
Radioforvaltningen: Radioqarnermik Ingerlatsivik.
Begrænset radiotilladelse: Akuerisamik radioqarnermut killilikkamik allagartaq.

CSR-imit taaguutit.
Ansvarligt indkøb: Akisussaassuseqartumik pisiniartarneq.
Bæredygtige produkter: Nungusaataanngitsumik tunisassiat.
Cirkulær økonomi: Asuliinnartitsinertaqanngitsumik aningaasanik aqutsineq.
CSR: Taamaatsiinnarlugu, taamaattoq nassuiaaserlugu: suliffeqarfiup inuiaqatigiinnut akisussaassuseqarnera.
CSR agenda: Agenda sumorpiaq tunngatinneqarnersoq CSR-imut nassuiaqquneqassaaq.
CSR-indsats: Inuiaqatigiinnut akisussaassuseqarnissamut suliniutit:
CSR-krav: Inuiaqatigiinnut akisussaassuseqarnissamut piumasarisat.
CSR-politik: Inuiaqatigiinnut akisussaassuseqarneq pillugu politikki.
CSR-tendenser: Inuiaqatigiinnut akisussaassuseqarnermi sammiviulersut.
CSR-risici: Inuiaqatigiinnut akisussaassuseqarnermi navialiffiusinnaasut.
Energirenovering: Nukissanik iluarsaaneq.
Verdensmål for Bæredygtig Udvikling: Nunarsuarmi nungusaataanngitsumik piorsaanermut Naalagaaffiit Peqatigiit anguniagaat.
Bæredygtig udvikling: Nungusaataanngitsumik piorsaaneq.
FN Global Compact: Taamaatsiinnarlugu, taamaattoq nassuiaaserlugu: suliffeqarfiit inuiaqatigiinnut akisussaassuseqarnissamut najoqqutassaat.
FN’s retningslinjer for Erhvervsliv og Menneskerettigheder: Naalagaaffiit Peqatigiit inuussutissarsiornermut inuillu pisinnaatitaaffiinut najoqqutassiai.
Erhvervsliv: Inuussutissarsiorneq.
Menneskerettighed: Inuttut pisinnaatitaaffik.
Grønne initiativer: Piujuartitsinissaq siunertaralugu suliniutit.
Grøn omstilling: Piujuartitsinissamut saqinneq.
Grøn ledelse: Piujuartitsinissaq siunertaralugu aqutsineq.
Grønt image: Piujuartitsisutut isigineqarneq.
Interessent/interessenter: Soqutigisaqaqat.
Interessentdialog: Soqutigisaqaqatigiinnik oqaloqateqarneq.
Leverandørstyring: Pisiortorfinnik aqutsineq.
Rummeligt arbejdsmarked: Suliffeqarneq inissaqartitsisoq.
Social entreprenørskab: Inoqatinut sammisunik nutaaliorluni aallarnisaaneq.
Transformative partnerskaber: Suleqatigiit allanngortitserusuttut.
Cradle to cradle (C2C): Atorluaaneq.
Key Performance Indicator: Pitsaasumik takutitsinermut uuttuut.

Oqaasiliortunut ilaasortat Naalakkersuisunit toqqarneqartarput, taakkulu ukiut sisamat atasarput, ukulu ukiortaaq aallarnerfigalugu toqqarneqarsimapput:

Mariia Simonsen (Siulittaasoq), Mette Larsen Lyberth (Siulittaasup tullia), Juana Petrussen, Juaaka Lyberth aamma Knud Møller.

Oqaasiliortut 2010-miit 2017-p tungaanut agguaqatigiissillugu ukiumut arfineq-sisamariarlutik ataatsimiitarput.

 

Aaqqissuisut

Nunarput pillugu sammisaqarfik

%d bloggers like this: