Oqaasersiaq ataaseq naammanngilaq

Islandimiut namminneq danskisut ilinniarnissartik toqqarsimanngilaat, ilinniarneqartarpoq Danmarkimut atassuteqarsimaneq pissutigalugu. Taamak Islandimiusut ilinniartitsinermut nunallu allat atassuteqarfigineranut professori soraarneq, Njörður P. Njarðvík, oqarpoq.

Njörður P. Njarðvík Islandimi aviisimut, Morgunblaðimut ilanngussaqarluni allappoq, taamaattoq pingaaruteqartoq Nunat Avannarliit oqaasiannik ilinniartarnissap ingerlatiinnarneqarnissaa.

Njörður P. Njarðvík. Assiliisoq: NB Forlag

– Nunat Avannarliit akornanni oqaatsit eqqaarsaatigalugit, danskit oqaasii uatsinnut piukkunnannginnerpaanut ilaassut oqaatigissallugu tunngavissaqarpoq. Taakku oqaasii nalunarlutik inissisimapput, aamma ilassutigineqarsinnaavoq, danskit oqaasii Nunat Avannarliit akornanni paatsooqqajaaneqartarmata, Njörður P. Njarðvík allappoq.

Islandimi misissuisoqaqqammersimavoq, danskit oqaasii meeqqat atuarfianni ilinniartitsissutigineqartuassanersut apeqqutigalugu, akissutillu assigiinngiiaarlutik inissisimasimapput.

– Nunat Avannarliit ataatsimiittarnerini danskit oqaasii svenskisut nutsertarsimavakka. Finlandimiut Svenskillu oqaasii akuukkat, finsvenskisut oqaatsit, Islandimiunut naleqqunnerupput. Oqaatsit atussallugit ajornannginnerupput, aamma oqaatsit atorneqartut svenskit oqaasianniit pisoqaanerupput, taanna oqarpoq nangillunilu:

– Kisianni takorloorsinnaanngilara oqaatsit taakku atorlugit meeqqat atuarfianni ilinniartitsisoqartalissasoq. Tassami Finlandimiut oqaasii Nunat Avannarliit akornanni paasiuminaatsinneqarnerupput.

Njörður P. Njarðvíkip ilanngussamini erseqqissarpaa, Nunat Avannarliit oqaasiinik ilinniartitsineq atuarfinni unitsinneqarnavianngitsoq.

– Nalunngilara nunaqqatima amerlasuut tuluttut ilinniartitsinissaq naammagigaat. Kisianni Nunat Avannarliit nunanut allanut salliutillugit peqatigiumagutsigit oqaasii ilanngullugit ilinniartariaqarpavut, Njörður P. Njarðvík allappoq.

Taanna allapportaaq, oqaatsinik piginnaasaqarneq nunarsuarmi inoqatinut paasinninnerulernissamut matuersaataasoq, aamma taamaallaat oqaasersiaq ataaseq ilinniaraanni paasinnissinnaaneq annikillisarneqassasoq.

Aaqqissuisut

Nunarput pillugu sammisaqarfik