Nunavummi naalakkersuisut akuerineqaratik atuisimasut

Aningaasanik suli inatsisiliortunit akuerineqarsimanngitsunik atuisimasutut Nunavummi naalakkersuisut utertitseqqullugit maanna inatsisiliortunit piumasaqarfigineqarput. Piumasaqarneq Nunavummi nalinginnaanngilaq, aamma aatsaat pisutut oqaatigineqarpoq.

Aningaasat atorneqarsimasut ilaatigut tassaapput, peqqinnissaqarfimmut inatsisinillu atortitsinermut naalakkersuisoqarfinnut, biilinik pisiortornernut atorneqarsimasut, pisiortornerillu 2018-imut aamma 2019-mut aningaasanut inatsisissaq aqqutigalugu pisimapput – sulili inatsit inatsisiliortunit akuersissutigineqarsimanngilaq. Taamak CBC North allappoq.

– Eqqumiigaara qanoq naalakkersuisoqarfiit ukiumut tulliuttumut aningaasat atugassat atorlugit atuisinnaasimammata, aamma inatsisip suli akuerineqannginnerani tamanna pisinnaammat, Nunavummi inatsisiliortunut ilaasortaq, George Hickes oqarpoq.

Maanna inatsisiliortut naalakkersuisunut piumasaqarput, aningaasat atorneqarsimasut ukiuni tulliuttuni atugassiissutigineqartunit ilanngaatigineqassasut.

Aaqqissuisut

Nunarput pillugu sammisaqarfik

%d bloggers like this: