Nipisanniarneq sivitsorneqarpoq

Naalakkersuisut juunip arfineq-aappaanni aalajangerput aqutsiveqarfiit ilaanni nipisanniarnerit sivitsorneqassasut.

Aqutsiveqarfimmi NAFO 1Bb-mi nipisanniarneq ullunik qulinik sivitsorneqarpoq, tamaani nipisanniarneq juunip 12-anni unitsinneqassalluni.

Aqutsiveqarfinni NAFO 1Ba-mi aamma 1A-mi nipisanniarneq ullunik qulinik aamma sivitsorneqarput, tamaani nipisanniarneq juunip 23-anni unitsinneqassalluni.

Sivitsuinermut ilaatigut patsisaasut tassaapput, sumiiffinni nipisanniarnerit siusinaartumik aallartinneqarsimanerat.

Pineqartoq pillugu attavigineqarsinnaavoq Kunuk Holm. Email: kunh@nanoq.gl

Aaqqissuisut

Nunarput pillugu sammisaqarfik