NATO-p sakkutuui 35.000-t Norgemut

NATO-p sungiusarnissaa, Trident Juncture, ukiaru Norgemi ingerlanneqartussaavoq. Qaammatit sisamat kommunit amerlasuut angallattoqarnerulerneranik nipiliortoqarnerulerneranillu malussartussaapput, tassami sakkuttut 35.000-it peqataassapput. 

Sungiusarnermi siunertaavoq, NATO-mi ilaasortat iligisallu  suleqatigilluarnerulernissaat, taannalu ukiaru ingerlanneqassaaq, NRK allappoq.

Kommunit ‘eqqugaasussat’ Norgep qeqqani inissisimapput, kisianni nunap sinnera ilanngulluni malussassasoq NRK ilimasaarivoq. NATO-p immikkut Norgemi malunnarnissaa, aggustimiit decembarip tungaanut pissangatinneqarpoq, naak sungiusarnertaa oktobarip naalernerani pissagaluartoq.

– NATO-mik suleqateqarsinnaanerput takutinniarparput. Aamma NATO kisimiilluni ingerlasinnaanngilaq. Inuiaqatigiit tapersersuinerat pisariaqartinneqarpoq, pingaartumik pisortat aamma piumassutsiminnik ikiuuttartut, Per-Kristen Brekke oqarpoq. Taanna inuiaqatigiit isumannaatsuunissaanut upalungaarsimanermullu pisortaqarfimmi atorfeqarpoq.

Trident Juncture tassaavoq, NATO iluani ukiut pingasukkaarlugit sungiusartarneq. Sungiusarneq kingulleq 2015-imi Portugalimi, Spaniami aamma Italiami ingerlanneqarpoq.

Aaqqissuisut

Nunarput pillugu sammisaqarfik

%d bloggers like this: