Namminersorlutik Oqartussat pigisaat unammillerneqassapput

Atassut sinnerlugu Inatsisartunut qinigassanngortittoq, Bentiaraq Ottosen isumaqarpoq, Namminersorlutik Oqartussat suliffeqarfiutaat unammillerneqartariaqalersut.

– Siunissaq ungasinnerusoq inuusutissarsiuteqartuusunut qulakkeerinnilluni, arlaanaatigulluuniit suliffeqarfiit akornanni pituttorsimanani inissisimanissaq, naatsorsuutigineqartariaqarpoq, Bentiaraq Ottosen oqarpoq.

Taanna isumaqarpoq inuiaqatigiinnut kiffartuussineq pitsaanerusoq anguniarlugu, pisortat pigisaasa eqqissisimatinneqarnerat unittariaqalersoq.

– Maannamut ukiorpassuarni eqqartortuartarsimavarput, qanoq ililluta inuiaqatigiinni akikinnerusumik ingerlatsisinnaannerput. Qularnaatsorlu ataaseq tassaavoq, pisortat namminersortuusaartillugit akikinnerusumik ingerlatsisoqalernavianngilaq. Tamanna ukiorpassuarni uppernarsarneqareerpoq, taanna oqarpoq.

– Taamaattumik Atassummiit naatsorsuutigaarput, aalisarnermut inatsisissami nutaami inuiaqatigiit pitsannerpaamik eqqorneqartussaanerat aallaavigalugu, suliffissuit namminersortunit unammillerneqarnissaat qulakkeerneqartariaqartoq, taamaasillunili inuiaqatigiinni kiffartuusineq niuernerlu eqaanerusoq anguneqarniassammat, Bentiaraq Ottosen oqarpoq.

 

Aaqqissuisut

Nunarput pillugu sammisaqarfik

%d bloggers like this: