Naligiissitaaneq pingaarnerunngilaq

Oqaaseq naligiissitaaneq arlalitsigut imartoqaaq, tassami suiaassutsip eqqartorneqartarnera sulinermi, sulisitsisuunermi peqatigiiffilerinermilu arlalitsigut aporaassutaasinnaasarmat. Atassut sinnerlugu Inatsisartunut qinigassanngortittoq, Aqqalu Jerimiassen isumaqarpoq, suiaassutsimik pingaartitsiniarnersuaq ammip qalipaataanik immikkoortitsinertulli naleqartoq.

Aqqalu Jerimiassen, Atassut.

– Siulersuisut aamma pisortat agguataaqqissaarlugit pisariaqanngilagut. Suiaassuseq apeqqutaatinnagu sulisinnaasut sulilik – arnat arnaapput angutillu angutaapput. Tassa taama naatsigaaq.

– Sunarpiaq aporfilersuutaasarnersoq paasisinnaanngilara, suiaassusermi aallaaviusussaanngimmat, inuulli pikkoriffiat pingaarnertut aallaaviusussaammat. Naligiisitaaneq eqqartorneqaraangat isumaqarpunga arlalitsigut tamanna paatsoorneqartartoq. Tamattaana inuunerput uani pineqartartoq

– Ullutsinni sulinermi arnartakippallaarnermik angutitakippallaarnermilluunniit oqalunneq kinguarsaatigineqartariaqanngilaq. Naligiissitaagutta immitsinnut ataqqeqatigiinnermik takutitsivigisa aamma suiaassuseq piinnarlugu aggulunnata, tamattami inuttut ataasiakkaatit atorfissaqartinneqarpugut, , Aqqalu Jerimiassen isumaqarpoq.

 

Aaqqissuisut

Nunarput pillugu sammisaqarfik

%d bloggers like this: