Nunavummi eqqumiitsuliortut peqatigiiffiata ilisarnaataa. Assiliortoq: NACA

Naggueqatitta kulturertik nalliuttorsiutigaat

Ulluni makkunani Iqalunni inuit kulturertik nalliuttorsiutigalugu katersuussimapput. Ukiut tamaasa Nunavummi eqqumiitsuliortut peqatigiiffiata aaqqissuuttagaa aallarteruttorpoq.

Nalliuttorsiorneq juulip arfineq-sisamaannut ingerlasussaq eqqumiitsuliortorpassuarnik katersortitsisimavoq.

Nunavummiut Iqalunnut aggiasimapput, eqqumiitsuliornermillu ingerlatsinerup saniatigut ilaatigullu “marketing” (nioqqutissianik pilerinarsaarineq) sammineqartussat ilagaat.

Ilusilersuisoqassaaq, puisip amiinik sanaluttoqassaaq Inuillu qangaaniilli titartaariaasiat atorlugu ingerlatsisoqassaaq.

– Pisoqarfiusut ataatsimoortitsipput, tassalu qangali ileqqut nunarsuarlu ‘nutaaliorfiusoq’ ataatsimoortinneqarmat. Assersuutigalugu ilusilersuinerit pinnersaasiornermut sangutinneqarsinnaapput, taakkulu Iqaluit mittarfiani nioqqutissianut, Canadap kujasissuani sananeqarsimasunut, unammillersinnaanngortinneqarsinnaapput, aaqqissuisut Nunatsiaq Newsimut oqarput.

Aaqqissuussineq juunip arfineq-sisamaanni, Nunavut Ullorsiulerpat, naggaserneqassaaq.

Pilersaarut uani nanineqarsinnaavoq.

Aaqqissuisut

Nunarput pillugu sammisaqarfik