Naalakkersuisut naapittut
Nunat Avannarliit Suleqatigiinnerannut Naalakkersuisoq, Agathe Fontain, aamma Angallannermut Oqartussaaqqataanermullu Naalakkersuisoq, Sigurður Ingi Jóhannsson, ulluni makkunani Nuummi naapeqatigiipput.
Inuussutissarsiutinik ineriartortitsinissaq siunertaralugu tamanna pivoq.
Nunat Avannarliit ataatsimiittartui 2019-miit Islandimit siulersorneqarlertussaapput, kingullermillu 2014-mi Islandip siulittaasuuffeqarnerminut atatillugu, pisuussutinik atorluaanerit naleqalersitsinerusarnerillu pillugit suliniutinik annertuunik aallartitsisimavoq.
– Nunat avannarliit suleqatigiinnerannut tunngatillugu Islandimi suleqaterput aggersarpara, Islandip siulittaasuulernissaminut atatillugu qanoq pilersaaruteqarnera isumassarsiorfigalugulu paasisaqarfigerusullugu, Agathe Fontain oqarpoq.
