Naalagaaffiup tapiissutai marloriaatinngortinneqassapput

Peqatigiinneq naligiinnermik toqqammavilik, aamma Kalaallit Nunaata sutigut tamatigut peqataatinneqarneranik isumalik. Taamak partii Suleqatigiissitsisut allapput.

Pisortat ingerlatsinerani oqaatsit nukittorsarneqassapput aamma pilersitsisartut ilinniartitaanerlu qitiusoqarfiliortiterlugit nukittorsarneqassapput.

– Nunarsuup avannaani najugaqarneq akisuujuvoq, aamma Danmarkimut naleqqiullugu ineriartortitsineq innuttaasumut ataatsimut uuttortarlugu akisunerujussuuvoq. Tamanna pissutigalugu naligiilluni ineriartortitsisoqassappat Danmarki tapiissuteqarnerusariaqarpoq. Nunarsuup immikkoortortaanni sunniuteqarsinnaaneq akeqanngitsumik takkuttanngilaq, aamma illuatungeriit iliuuseqaqatigiittariaqarput, Suleqatigiissitsisut allapput.

– Naalagaaffiup tapiissutaasa marloriaatinngortinneqarnerat aqqutissaavoq. Ilinniartitaanerup, isumaginninnerup, peqqinnissaqarfiup, aalisarnerup, takornariaqartitsinerup nunallu atortulersorneqarsimanerata kivitsivigerujussuarnissaanut, Suleqatigiissitsisut allapput.

Aaqqissuisut

Nunarput pillugu sammisaqarfik

%d bloggers like this: