Mittarfiliorsinnaasut nanineqarput

Kalaallit Airports ilisimatitsivoq, sanaartugassanik suliarinnittussatut neqerooruteqarsinnaasut arfinillit maanna toqqarneqarsimasut. Tamanna isumaqarpoq, suliffeqarfiit suliassamik kivitsisinnaasutut naatsorsuunneqarlutik neqeroorsinnaanngortut.

Naatsorsuutigineqarpoq piukkunneqartut qaammatit tulliuttut ingerlaneranni sumiiffinnut sukumiinerusumik paasiniaasassasut. Akuerineqartut arfiniliusut akornanni pingasut Danmarkimi angerlarsimaffeqarput.

Inatsisartut allanngortitereqqinngippata, aamma aningaasat atugassat nanineqarsinnaappata, mittarfiit pingasut 2022-imi naammassineqartussaapput.

Mittarfinnut sanaartornissamut neqerooruteqarsinnaasutut akuerisat:

– Aarsleff – Ístak Joint Venture (Danmark/Island)
– BAM International bv. (Holland)
– China Communications Construction Company Ltd. (Kina)
– Munck Gruppen A/S (Danmark)
– MT Højgaard A/S (Danmark)
– Pennecon Dexter Joint Venture (Canada)

 

Aaqqissuisut

Nunarput pillugu sammisaqarfik

%d bloggers like this: