Ministeriuneq qinersinermut akulerunnaveersaaqqusisoq

Kalaallit Nunanni qinersisoqartussanngornera pissutigalugu, Danmarkip ministeriunerata USA-p isertortumik sakkutooqarfigisimasai pillugit ammasumik Folketingimi isumasioqatigiinnissarigaluaq kinguartippaa.

Isumasioqatigiinneq ullumi pisussaagaluarpoq.

Ministeriuneq, Lars Løkke Rasmussen, Kalaallit Nunaat pillugu ataatsimiititaliap siulittaasuanut, Aleqa Hammondimut (partiit avataaneersoq, aaqq.), taamak ilisimatitsivoq, pissutigaalu Kalaallit Nunaanni qinersisoqartussanngornera Danmarkimi naalakkersuisunit akuleruffiginaveersaarneqassasoq.

Isumasioqatigiinnissarigaluami sammineqartussaagaluarpoq Camp Century, sorsunerup nillertup nalaani sermersuup iluani USA-mit sakkutooqarfittut sanaartorneqarsimasoq. Taanna Pituffimmiit kangimut 200 kilometerinik ungasitsigisumi 1959-60-kkunni sanaartorneqarsimavoq. Sulluliarsualiorfigineqarluni ilaatigut inunnut 200-nut inissaqartitsisinnaasutut sanaartorneqarsimavoq.

– Pissusissamisuunngilaq suliarisavut tamarmik Folketingimi unitsinneqassappata, Aleqa Hammond tusagassiuutinut nalunaaruteqarluni allappoq, nangillunilu:

– Malunnaqaaq danskit akisussaaffigisamik, naammanginartumillu aaqqiissuteqarfiginngisamik qineqqusaarnermi qitiutinneqarlutik qaqilerneqarsinnaanerat aarleqqutigigaat, Aleqa Hammond ilaatigut allappoq.

 

Aaqqissuisut

Nunarput pillugu sammisaqarfik

%d bloggers like this: