Amka Aliyak-ip pissaanini pivai Nunavummi fabriki nalinginnaanngitsoq misissussallugu iserfigigamiuk. (Marvel Comics)

Marvel Comics: Snowguard

Marvel Comics avannaarsuanut appakaallutik sapiitsuliortartumik nutaamik nuttarsaasipput: Snowguard. Marvel Comics sorpassuarnik pilersitsisartutut ilisimaneqarput, soorlu Spider-Man, Hulk, Thor, Iron Man il. il.

Snowguard allanngorartarpoq Nunavummilu Pangnirtungimeersuuvoq. Ateqarpoq Amka Aliyak 16-inillu ukioqarpoq.

Amkap ileqqutoqqat malillugit inuuneq qimakkusullugu, ilaquttami anersaat pillugit oqaluttuaat upperiumanngilai. Kisianni inupilummit saassutsilluni SILA annaassisorigamiuk, isumaa allanngorpoq. Sila tassaavoq nukik piginnaanilissuaq Inuit kulturiannit pisoq. Amka nammineq taassumannga sunnerneqarpoq.

Snowguarditut uumasut pissusaanik atugaqarsinnaavoq aamma uumasut assigiinngitsut pissaanerat ataatsimut atorsinnaavai. Apeqqutaalluni uumasoq sorleq malinnerlugu, piginnaanerit assigiinngitsut atorsinnaassarpai; nukik, qasujaassuseq, sukkassuseq, meqqut, kukiit, kiisortoq, nassuit,  suluit il. il.

Immaqa Snowguard Marvel Comics’ip filmiliaani takusalerumaarparput.

Nunavummi Pangnirtungip eqqaani fabriki nalinginnaanngitsoq tassanngaannaq saqqummerpoq. Amka Aliyak paasisassarsiorluni iserpoq. (Pilersitsisoq: Jim Zub. Titartaasoq: Sean Izaakse. Qalipaatit: Marcio Manyz /Marvel Comics)

Aaqqissuisut

Nunarput pillugu sammisaqarfik