Lana Hansenip crowdfunding aallartippaa

Kinami meeqqat silap pissusaata allanngoriartornera pillugu atuagassaqartikkit. Atuagaq pisiarigukku orpik ataaseq ikkunneqassaaq.

Sila’p atuakkiortua, Lana Hansen, maanna aningaasanik katersuiniarluni aallartippoq. Pissutaavoq inuttaa oqaluttuanik tunniussaqariartoqqullugu Kinamut qaaqquneqarsimammat.

Aamma atuaruk: Sila Kinamut

Meeqqanut atuagaq ‘Sila’ Kinamiunit soqutigineqarpoq, tamannalu pissutigalugu Kinami atuakkiortut peqatigiiffiat qaaqqusisimavoq. Tassani Lana Hansen Sila pillugu oqalugiartarlunilu pilerisaarinermik ingerlatsissaaq.

– Septembarip naalernerani atuakkanik saqqummersitsineq pissaaq. Kisianni aningaasanut tunngassutillit inisseqqaarneqartariaqassapput, Lana Hansen oqarpoq nangillunilu;

– Piumasaqaataavoq atuagaq Kinamiusut nutserneqarsimassasoq aamma angalanera nammineq aningaasalersortussaavara. Taamaattumik eqqarsarpunga crowdfunding atorlugu katersuiniarneq misilinniarlugu, Lana Hansen oqarpoq.

Suut tamarmik iluatsissappata, atuagaq ataaseq tunineqarsimagaangat orpik ataaseq ikkunneqartassasoq pilersaarutigineqarpoq.

– Kinami meeqqat nunatsinnut pissutsinut aamma silap pissusaata allanngoriartorneranut ilisimasaqarnerulernissaat soqutigigukku tapersersuisinnaavutit, Lana Hansen kaammattuivoq.

Una ornillugu tapersersuisinnaavutit: https://www.booomerang.dk/projects/bog-klimaforandring-boern/