Kofoedip Atuarfia nammineq innersuussisinnaalerpoq

Nuummi Kofoedip Atuarfia Allorfillu suleqatigiillutik imigassamik pinngitsuuisinnaajunnaarsimasut ikiorsertalerniarpaat. Anguniarneqarpoq akissutisinissamik utaqqisoqarani katsorsartinniartut kajumissusaasa peerutinnginneranni ikiuinerup allartinneqartarnissaa.

– Suliffeqarfiup Allorfimmut nammineq innersuussisinnaanera periarfissaqartinneqalerpoq, aamma kommunimi sullissisut avaqqullugit. Nuannaarutigeqaarpullu saaffiginninnerput tigulluarneqarmat, Kofoedip Atuarfiani pisortaq, Gujo Thorsteinsson oqarpoq.

Aporfilersuisoqarani innersuussisinnaaneq isumaqatigiissut aqqutigalugu ingerlanneqassaaq, aamma suliffeqarfiup pisussaaffimmik tigusineratigut. Katsorsartereernerup kingorna malitseqartitsisoqartassaaq ilinniartorlu katsorsartinnermini qanoq iluaquteqarsimanersoq Allorfimmut nalunaarutigineqartassaaq.

– Nuannaarutigaarput Kofoedip Atuarfia suleqatigileratsigu. Taamak suleqatigiinnissamut isumaqatigiissuteqarnermi Kofoedip Atuarfia siulliuvoq, uatsinnullumi aamma pingaaruteqarpoq, Allorfimmi ingerlatsisoq, Birgit Niclasen oqarpoq.

– Kissaatigaarput suliffeqarfiit allat tamanna malitassatut isigissagaat, Birgit Niclasen oqarpoq.

Kofoedip Atuarfiani sulisut namminneq qinnuteqaatit qarasaasiakkut immersortassavaat. Taakku Allorfimmit tiguneqaraanngata katsorsaavinnut innersuussisoqartassaaq.

Aaqqissuisut

Nunarput pillugu sammisaqarfik

%d bloggers like this: