KNR-ip pisortaa: ‘Breaking News’ iluamik atorneqassaaq

KNR-i ukiuni kingullerni tusagassiornerup iluani tusagassiuutinut allanut, pingaartumik Facebookimut, unammillerniaraluarnermini nutaarsiassarujussuartut isigisani ‘Breaking News’-mik (bling bling, aaqq.) qulequtserlugit nittarsaattarlersimavai.

KNR-ip pisortaa aperaarput, tamanna pissusissamisoortutut isigineraa.

– Breaking News bling bling atorneqarnera eqqarsaatigeqqinneqartariaqartoq sivisuumik eqqarsaatigisimavara. Pingaartumik nutaarsiassarujussuaq suna pineqarnersoq atuisut paasineq ajortarmassuk, aamma akunneq ataaseq kingoqqutsilluni taanna nuigaanngat ittuuallannartittarakku, KNR-ip pisortaa oqarpoq.

Taanna oqarpoq KNR-imi nutaarsiassaleriviup pisortaa kaffisoqatigisimallugu:

– Sivisuumik oqaloqatigiippugut. Immitsinnut naaperiassutigaarput ‘Breaking News’ bling bling suli atorneqarsinnaasoq. Qaqugukkulli atorneqarsinnaanera ima isumaqatigiissutigaarput: Nunarput nunarsuup iluanut kivilerpat, allanilluunniit assingusunik pinartorujussuarnik pisoqalerpat, taava taanna atorneqarsinnaavoq – aamma illoqarfinni siggartaatit atorlugit  kalerrisaarinerit aallarteqatigalugit. Isumaqarpunga taamak immitsinnut naaperiarnerput torrallataasoq, KNR-ip pisortaa oqarpoq.

 

 

Aaqqissuisut

Nunarput pillugu sammisaqarfik

%d bloggers like this: