KNR-i killormut saatitsereersoq

Partii Naleraq, Demokraatit aamma Atassut Inatsisartunut qinersinissap nalunaarutigineqarneranut atatillugu KNR-imut isornartorsiuipput, oqarlutik Kalaallit Nunaata Radioa inuiaqatigiit pigisaattut inuiaqatigiit soqutigisaat tamakkerlugit naligiimmik saqqummiussisussaagaluartoq.

Siumup aamma Inuit Ataqatigiit siuttui marluinnaatillugit apriilip 22-ani KNR-i aqqutigalugu qineqqusaartinneqalersut partiit oqariartuutigaat. Tamanna inissaminiinngitsoq partiit pingasuullutik ataatsimut erseqqissaapput.

– Inuiaqatigiit tamarmik pigisaaniik taamatut iliortoqarnissaa matumuuna partiit ukuusugut; Naleraq, Demokraatit aamma Atassut, akerisinnaanngilarput. Piaartumik inuit oqartussaanerisa aqqani partiit siuttui tamarmik naligiimmik saqqummiunniarlik, partiit pingasut unnummut (apriilip 13-ani, aaqq.) oqariartuuteqarput.

 

Aaqqissuisut

Nunarput pillugu sammisaqarfik

%d bloggers like this: