KNR-i imminut paasinngitsoq

Partii Naleraq, Demokraatit aamma Atassut Inatsisartunut qinersinissap nalunaarutigineqarneranut atatillugu marsip 13-ani KNR-imut isornartorsiuipput, oqarlutik Kalaallit Nunaata Radioa inuiaqatigiit pigisaattut naligiimmik pinnittussaasoq.

Pineqartoq tassaavoq, KNR-i aalajangersimammat, Siumup aamma Inuit Ataqatigiit siuttui marluinnaatillugit apriilip 22-ani KNR-i aqqutigalugu qineqqusaartinneqassasut.

Aamma atuarukKNR-i killormut saatitsereersoq

KNR-ip pisortaa KNR-imut oqarpoq, maalaarutigisaat tusaatissatut tiguneqartut. Tamanna apriilip aallaqqaataani pivoq.

– Partiinik anginerusunik oqallitsitsineq nutaajunngilaq aamma partiit allat saneqquteqqajarneqanngillat. Qinersinermut aallakaatitassat qineqqusaarnerillu 15-it 18-illu tungaannut amerlassuseqarput, unalu tamakkununnga ilaaginnarpoq, pisortaq oqarpoq.

Pisortap oqaatigisinnaannginnerarpaa, isornartorsiuineq IA-p Siumullu akornanni oqallitsitsinissamut taamaatitsissanersoq.

– Maannamut allanngortitsisoqanngilaq. Tamanna aaqqissuisut aalajangigassaraat, KNR-ip pisortaa oqarpoq.

 

Aaqqissuisut

Nunarput pillugu sammisaqarfik

%d bloggers like this: