Kitsissunnguit ilaanni nipisanniarneq unippoq

Kitsissunnguit ilaasa eqqaanni juunip 11-annit nipisanniartoqaqqusaajunnaarpoq.

Kitsissunnguit eqqissisimatitaanissaat pillugu Namminersorlutik Oqartussat nalunaarutaa innersuussutigineqarpoq, ilaatigut ima oqaasertalik (Nalunaarut nr. 11, 17. april 2008):

  • 11. Immikkoortoq 1-imi, 2-mi 3-milu piniarneq, aallaaniarneq, mannissarneq aalisarnerlu inerteqqutaapput 1. majimiit 31. oktobarimut. Aalisarnermut sakkut, tamatumani qassutit ilanngullugit, peerlugillu nassarneqassapput 1. maj tikitsinnagu, taamaattoq takuuk imm. 2.
    • Imm. 2. Immikkoortoq 2-mi 3-milu nipisanniartoqarsinnaavoq 1. majimiit 10. junimut. Aalisarnermi atortut, qassutit ilanngullugit, peerneqarlutillu nassarneqassapput kingusinnerpaamik 10. juni.
    • Imm. 3. Sumiiffiup eqqissisimatitap iluani aalisakkat sinnikuisa iginnissaat inerteqqutaavoq.

Nunaminertap eqqissisimatitap killiligaanera:
Avannamut killiffia: 52º 4´40´´ W, 68º 52´35´´ N
Kujammut killiffia: 51º 49´ 45´´ W, 68º 48´25´´ N
Kangimut killiffia: 51º 42´11´´ W, 68º 50´ 6´´ N
Kimmut killiffia: 52º 7´ 58´´ W, 68º 51´ 54´´ N

Ataani nunap assingini suna pineqarnersoq takusinnaavat.

Aaqqissuisut

Nunarput pillugu sammisaqarfik