Kitaani raajat MSC-mut annguteqqipput

Kalaallit Nunaata Kitaani ‘nillertup’ raajai MSC-mik ilisarnaasersorneqarsimanerat nutaanngortinneqarsinnaasoq, Marine Stewardship Council isummerpoq.

Nutaanngortitsinissamut tusarniaaneq naammassisimavoq, kingornalu siunnersuisartut Acoura Marinep nalunaarusiaq isummerfigisimavaat, inerniliunneqarsimavorlu aalisarneq MSC-mik ilisarnaasersuisarnermut malittarisassat naapertorlugit ilisarnaaserneqarsinnaasoq.

Aalajangiigallarnermut akerliusut ullunik 15-inik periarfissaqarput.

Kalaallit Nunaanni raajartassat 2016-imi 82.000 tonsiupput. NAFO 2017-imi oktobariugaa siunnersuivoq, 2018-mut raajartassat 105.000 tonsiussasut.

Aaqqissuisut

Nunarput pillugu sammisaqarfik