Atuartartoq: Kikkut namminersuleramik?

atuartartut_allagaat_2Allattoq: Hans-Peter Ananiassen, Nuuk

Kalaallit Nunaanni inuit namminersulernissaq pillugu 2008-mi taasisinneqarput. Taasinermi innuttaasut sisamaagaanngata pingasut namminersulernissamut akuersaarput. Namminersornerlu 2009-mi juunip 21-ani eqqunneqarpoq.

2009-mittaaq Inatsisartunut qinersisoqarpoq, tassanilu Kalaallit Nunaanni Naalakkersuinikkut nikittoqarpoq, ilaatigut ukiorpassuarni partii siuttorineqarsimasoq taarserneqarluni.

Ullualunni kalaallit oqaasii pisortatigoortumik atorneqariarlutik atorunnaarneqarput, aatsaallu taamak sakkortutigisumik allaffissorneq danskisut ingerlanneqalerpoq, aamma;

Inatsisartut ukiakkut 2011-imi Tamakkiisumik Suliarinnittussarsiuussisarnermut Inatsit akuersissutigaat. Taannalu Inatsit malillugu sanaartorfiusumi Nuummi sanasut arlallit sanaqataasinnaajunnaarput, taakkumi 100 millionilikkaanik aningaasaateqanngillat. Inatsit taanna malillugu taamaallaat allamiut sanaartortitsivissui sanaartorsinnaanngorput, imaappoq nunatsinni sanasut namminersortut qulaatiinnarlugit allamiut sanaartortitsivissui akkorderlutik oqulioriartortarput.

Akisuneranullu pissutaasut ilagaat, akuttunngitsumik sanasut Danmarkimiit Nuummut paarlakaallutik angalasarmata. Tassa erseqqissumik oqaatigalugu Namminersulernitta kingorna kalaallinut immikoortitsisumik Inatsimmik atuutsitsisoqalersimavoq; qallunaajunngikkuit sanaartukkanik suliaqarsinnaanngilatit – illit mikisuarsuit ingerlatissavatit.

Namminersulerneq erseqqissumik ilisarnaateqarpoq: Kalaallinut immikkoortitsineq, allamiut atoruminartitassaanik kisimi naleqqussaaneq. Uagut immitsinnut aallaaviginngikkutta, qanoq ililluni nuna ineriartortinneqassagami?

 

Aaqqissuisut

Nunarput pillugu sammisaqarfik

%d bloggers like this: